اطفالنا والتلعثم

اثر استخدام الموبايل علي الاباء والامهات وعلاقاتهم بأبناءهم👇👇

من كام يوم شوفت طلب غريب شويه من أحد الأمهات مع كامل إحترامي

كانت بتطلب application لتعديل سلوك ابنها عشان ابنها عنيد و مش بيسمعلها 🤦🏻‍♀️😰!!!!!

-خلينا متفقين ان التكنولوجيا سلاح ذو حدّين
على أد ما استفدنا منها
على أد ما خلقت مسافات واسعه بين الاسره
حتى بين الأم و طفلها
الطفل مبقاش عايز يسمعها
و الأم مبقاش عندها طولة بال على تربيته

تأثير الموبايل على سلوك الأمهات و الآباء يكاد يكون أكبر من تأثيره على سلوك الأطفال
في النهايه ابنك بيعمل الي بيشوفك بتعمله مش الي بتقوله يعمله 🤷🏻‍♀️

أرجوكم ارجعوا تحملوا مسؤليتكم و دوركم في التربيه تاني
ارجعوا اصبروا على الأطفال و طولوا بالكم و جاهدوا نفسكم

محدش يقول ابني تاعبني هنزله حضانه
ابني تاعبني هنزله تمرين
ابني تاعبني هشوفله دكتور

طب انتي فين 😔؟

محدش يقولي ابني مدمن موبايل و يوتيوب و مش قادر امنعه،امنع نفسك الأول و انقذ طفلك و وفرله البديل

لما بنشتري جهاز بنقرا التعليمات بتاعته عشان نحافظ عليه،طب ليه لما ربنا سبحانه و تعالى ينعم علينا بطفل منتعلمش ازاي نحافظ عليه و على نفسيته و نربيه !!!!!!!!!

سامحوني لو في كلامي قسوه مش بحب أكون كدا
بس لعلنا نسترجع فطرتنا و دورنا الحقيقي و نصحى من غفلتنا ❤️